સરકારી વીમા કંપની લાઈફ ઈન્સ્યોરન્સ કોર્પોરેશન ઓફ ઈન્ડિયા (LIC) એ મહાનગર ગેસ (MGL)માં તેનો હિસ્સો ઘટાડ્યો છે. LICએ આ શેર્સ 1521.31 રૂપિયા પ્રતિ શેરના ભાવે વેચ્યા છે. જેના કારણે કંપનીને 314 કરોડ રૂપિયા મળ્યા છે. તમને જણાવી દઈએ કે, મહાનગર ગેસ લિમિટેડમાં LICની ભાગીદારી 9.03 ટકાથી ઘટીને 6.94 ટકા થઈ ગઈ છે. LICએ કુલ 68.54 લાખ શેર વેચ્યા છે.
શુક્રવારે મહાનગર ગેસ લિમિટેડના શેર લગભગ 1 ટકાના ઘટાડા સાથે 1946.45 રૂપિયાના સ્તરે બંધ થયા હતા. અગાઉ, કંપનીના શેર રૂ. 1972.50ની ઇન્ટ્રા-ડે હાઇએ પહોંચવામાં સફળ રહ્યા હતા.
મહાનગર ગેસ લિમિટેડના શેરના ભાવમાં છેલ્લા એક વર્ષમાં 90 ટકાનો વધારો જોવા મળ્યો છે. જ્યારે આ વર્ષે અત્યાર સુધીમાં આ શેરે 61 ટકા વળતર આપ્યું છે. જ્યારે આ સમયગાળા દરમિયાન નિફ્ટી 50માં 20 ટકાનો વધારો જોવા મળ્યો છે.
મહાનગર ગેસ લિમિટેડની નાણાકીય સ્થિતિ કેવી છે?
જૂન ક્વાર્ટર દરમિયાન કંપનીની કુલ આવક રૂ. 1701.40 કરોડ હતી. એક વર્ષ પહેલા કંપનીની આવક 1887.10 કરોડ રૂપિયા હતી. વાર્ષિક ધોરણે કંપનીની આવકમાં 10 ટકાનો ઘટાડો થયો છે. જોકે માર્ચ ક્વાર્ટરની સરખામણીમાં કંપનીની આવકમાં વધારો થયો છે.
એપ્રિલથી જૂન 2024 દરમિયાન મહાનગર ગેસ લિમિટેડનો નફો રૂ. 288.80 કરોડ રહ્યો છે. વાર્ષિક ધોરણે કંપનીના નફામાં 22 ટકાનો ઘટાડો થયો છે. તમને જણાવી દઈએ કે, ગયા નાણાકીય વર્ષના જૂન ક્વાર્ટરમાં કંપનીનો કુલ નફો 368.40 કરોડ રૂપિયા હતો. તે જ સમયે, જાન્યુઆરીથી માર્ચ 2024 દરમિયાન, મહાનગર ગેસ લિમિટેડે રૂ. 252.30 કરોડનો નફો કર્યો હતો.
