મણિપુરના પૂર્વ ઇમ્ફાલ જિલ્લામાં લમલાઇ વિધાનસભા મતવિસ્તારના કેટલાક ભાગોમાં પહાડીઓમાંથી સશસ્ત્ર માણસોએ બંદૂકો અને બોમ્બ વડે શ્રેણીબદ્ધ હુમલા કર્યા હતા. બદમાશોએ ગ્રામીણો અને સુરક્ષા દળો પર અનેક શક્તિશાળી બોમ્બ પણ ફેંક્યા હતા.
ભીષણ ગોળીબાર થયો
અધિકારીઓએ જણાવ્યું કે સેના, બીએસએફ અને પોલીસે જવાબી કાર્યવાહી કરી જેના કારણે સનાસાબી, સબુંગખોક ખુનૌ અને થમનાપોકપીમાં ભારે ગોળીબાર થયો. આ ઘટનાને લઈને આસપાસના ગામોમાં તંગદિલીનો માહોલ છે. ડુંગરાળ વિસ્તારોથી લઈને સણસાબીના નીચાણવાળા વિસ્તારો સુધી ગોળીબારના કારણે ખેડૂતો તેમના ડાંગરના ખેતર સુધી પહોંચી શકતા નથી.
વધારાના દળો તૈનાત
વધારાના દળો તૈનાતપોલીસે કહ્યું કે પરિસ્થિતિ વધુ વણસે નહીં તે માટે વધારાના દળો તૈનાત કરવામાં આવ્યા છે. આના એક દિવસ પહેલા, શનિવારે, આતંકવાદીઓએ બિષ્ણુપુર જિલ્લામાં ડાંગરના ખેતરમાં કામ કરતી એક મહિલાની ગોળી મારીને હત્યા કરી હતી.
આતંકવાદીઓએ છ ઘરોને આગ લગાડી, મહિલાનું મોત
આતંકવાદીઓએ ગુરુવારે રાત્રે જીરીબામ જિલ્લામાં છ ઘરોને આગ લગાવી દીધી હતી, જેમાં 31 વર્ષીય મહિલાનું મૃત્યુ થયું હતું. મણિપુરમાં ગયા વર્ષે મેથી 200 લોકો માર્યા ગયા છે જ્યારે ખીણ સ્થિત મેઇટીસ અને પર્વતીય વિસ્તારોમાં રહેતા કુકી વચ્ચે હિંસા ફાટી નીકળી હતી.
