સેન્ટ્રલ બોર્ડ ઓફ સેકન્ડરી એજ્યુકેશને ધોરણ 10, 12ની બોર્ડ પરીક્ષા 2025 માટે નોંધણી શરૂ કરી દીધી છે. જે વિદ્યાર્થીઓ હાલમાં ધોરણ 10, 12માં છે તેઓએ પરીક્ષા ફોર્મ ભરીને બોર્ડની પરીક્ષા માટે રજીસ્ટ્રેશન કરાવવાનું રહેશે. તમને જણાવી દઈએ કે, આ એક મહત્વપૂર્ણ પ્રક્રિયા છે, જે બોર્ડની પરીક્ષામાં હાજર રહેલા વિદ્યાર્થીઓ માટે પૂર્ણ કરવી ફરજિયાત છે. રસ ધરાવતા વિદ્યાર્થીઓ અહીં સમાચારમાં આપેલી સીધી લિંક દ્વારા parikshasangam.cbse.gov.in પર જઈને પોતાનું રજીસ્ટ્રેશન કરાવી શકે છે, તેની સાથે સંબંધિત સૂચના પણ અહીં આપવામાં આવી છે.
ધ્યાનમાં રાખો, બોર્ડ સાથે જોડાયેલી શાળાઓ તમારા ફોર્મ પર પ્રક્રિયા કરશે અને ઉમેદવારોની યાદી અથવા LOC સબમિટ કરશે.
CBSE બોર્ડ પરીક્ષા 2025 નોંધણીની છેલ્લી તારીખ
શાળાઓને જાણ કરવામાં આવે છે કે પોર્ટલ આજથી 5 સપ્ટેમ્બર, 2024થી ખોલવામાં આવ્યું છે અને 4 ઓક્ટોબર, 2024 સુધી ઉપલબ્ધ રહેશે. શાળાઓએ CBSE બોર્ડ પરીક્ષા 2025 માટે નિર્ધારિત ફી સાથે LOC સબમિટ કરવું જરૂરી છે. દૃષ્ટિહીન વિદ્યાર્થીઓને ધોરણ 10, 12ની બોર્ડની પરીક્ષા ફી ભરવામાંથી મુક્તિ આપવામાં આવી છે.
CBSE બોર્ડ પરીક્ષા 2025 રજીસ્ટ્રેશન ઓનલાઇન
જો સમયમર્યાદામાં LOC સબમિટ કરવામાં ન આવે તો, બોર્ડ શાળાઓને 15 ઓક્ટોબર સુધી બાળક દીઠ 2000 રૂપિયાની લેટ ફી સાથે LOC સબમિટ કરવાની મંજૂરી આપશે. તેથી શાળાઓએ સમયસર LOC અને નોંધણી પ્રક્રિયા શરૂ કરવી અને પૂર્ણ કરવી મહત્વપૂર્ણ છે. CBSE બોર્ડ પરીક્ષા 2025નું રજીસ્ટ્રેશન ઓનલાઈન કરવામાં આવશે.
CBSE બોર્ડ પરીક્ષા 2025 નોંધણી ફોર્મ
નોંધણી સમયે આપવામાં આવેલી માહિતીનો ઉપયોગ બોર્ડ દ્વારા જારી કરાયેલ માર્કશીટ અને રોલ નંબર સહિત તમામ સત્તાવાર દસ્તાવેજોમાં કરવામાં આવશે. નોંધણી ફોર્મમાં કોઈપણ ભૂલ વધુ ચિંતાનું કારણ બની શકે છે
CBSE બોર્ડ પરીક્ષા 2025 તારીખ
વાલીઓ અને વિદ્યાર્થીઓને પણ સલાહ આપવામાં આવે છે કે તેઓ તેમની નોંધણી સમયે સબમિટ કરેલા વિષય કોડને કાળજીપૂર્વક તપાસે. વિદ્યાર્થીઓને સબમિટ કરેલ એલઓસી મુજબ જ વિષયની બોર્ડ પરીક્ષામાં બેસવાની મંજૂરી આપવામાં આવશે. વિષય કોડમાં ફેરફારને બોર્ડ દ્વારા પછીની તારીખે ધ્યાનમાં લેવામાં આવશે નહીં. પરીક્ષા 15મી ફેબ્રુઆરીથી શરૂ થશે અને તેની ડેટ શીટ નવેમ્બર અથવા ડિસેમ્બર મહિનામાં બહાર પાડવામાં આવશે.
