જમ્મુ-કાશ્મીરના કિશ્તવાડમાં એક અકસ્માતમાં ચાર લોકોના મોત થયા છે. બોલેરો ઊંડી ખાઈમાં પડી જતાં આ અકસ્માત થયો હતો. આ બોલેરોમાં કુલ પાંચ લોકો મુસાફરી કરી રહ્યા હતા. દુર્ઘટનાની માહિતી મળતા જ રેસ્ક્યુ ટીમ ત્યાં પહોંચી ગઈ હતી અને બચાવ કામગીરી શરૂ કરી હતી. કેન્દ્રીય મંત્રી જિતેન્દ્ર સિંહે આ મામલે કિશ્તવાડના ડેપ્યુટી કમિશનર સાથે વાત કરી છે.
પોલીસે જણાવ્યું કે, પદ્દારથી માસુ ગામ તરફ જઈ રહેલું એક વાહન ખાડામાં પડી ગયું. તેમણે કહ્યું કે અકસ્માતમાં ચાર મુસાફરોના મોત થયા છે અને બે લાપતા છે. તેમણે કહ્યું કે ગુમ થયેલા લોકોની શોધખોળ શરૂ કરી દેવામાં આવી છે. મૃતકોની ઓળખ રાજ કુમાર, મુકેશ કુમાર, હકીકત સિંહ અને સતીશ કુમાર તરીકે થઈ છે, જેઓ ગઢ, પદ્દાર, કિશ્તવાડના રહેવાસી છે.
કેન્દ્રીય મંત્રી ડૉ. જીતેન્દ્ર સિંહે ટ્વિટર પર પોસ્ટ કર્યું હતું કે એ જાણીને દુઃખ થાય છે કે વાહનમાં મુસાફરી કરી રહેલા ચાર મુસાફરો સ્થળ પર જ મૃત હાલતમાં મળી આવ્યા છે. ડ્રાઇવર સહિત અન્ય બે વ્યક્તિઓનો હજુ સુધી પત્તો લાગ્યો નથી. શોકગ્રસ્ત પરિવાર પ્રત્યે મારી હૃદયપૂર્વકની સંવેદના.
આ પહેલા શનિવારે બાંદીપોરા જિલ્લામાં સેનાના ચાર જવાનોનું વાહન ખાડામાં પડતાં માર્યા ગયા હતા. આ અકસ્માતમાં એક જવાન ઘાયલ થયો હતો. દુર્ઘટનાની માહિતી મળતા જ બચાવ ટીમ ત્યાં પહોંચી ગઈ હતી. ઘાયલ સૈનિકને હોસ્પિટલમાં દાખલ કરવામાં આવ્યો હતો. દરમિયાન અકસ્માતનું કારણ જાણવા તપાસ ચાલી રહી છે.
