ઘણી ભાષાઓ સમય સાથે આવી અને અદૃશ્ય થઈ ગઈ, પરંતુ કેટલીક ભાષાઓ એવી છે જે હજારો વર્ષોથી ટકી રહી છે અને આજે પણ ઉપયોગમાં છે. અહીં આપણે તે 7 સૌથી જૂની ભાષાઓ વિશે વાત કરીશું, જે હજી પણ વાતચીત અને સાહિત્યમાં જીવંત છે.
સંસ્કૃત: સંસ્કૃતને “દેવવાણી” કહેવામાં આવે છે અને તે વિશ્વની સૌથી જૂની ભાષાઓમાંની એક છે. તે ભારતીય સંસ્કૃતિનું મૂળ છે અને વેદ, ઉપનિષદ, મહાભારત જેવા પ્રાચીન ગ્રંથો માત્ર સંસ્કૃતમાં જ લખાયા હતા.
તમિલ: તમિલ ભાષાના મૂળ 5000 વર્ષ જૂના માનવામાં આવે છે. તે ભારતની દ્રવિડિયન ભાષાઓમાં સૌથી જૂની છે અને તે મુખ્યત્વે તમિલનાડુ અને શ્રીલંકામાં બોલાય છે. તમિલ સાહિત્ય તેના સમૃદ્ધ ઇતિહાસ માટે પ્રખ્યાત છે.
ચાઈનીઝ (મેન્ડરિન): ચીનની મેન્ડરિન ભાષાનો ઈતિહાસ 3000 વર્ષ જૂનો છે. તે હજુ પણ વિશ્વમાં સૌથી વધુ બોલાતી ભાષા છે. તેની લિપિ “ચીની અક્ષરો” આજે પણ ઉપયોગમાં છે.
હીબ્રુ: હિબ્રુને યહુદી ધર્મની પવિત્ર ભાષા ગણવામાં આવે છે. તે લગભગ 3000 વર્ષ જૂની છે અને લાંબા સમયથી તેને મૃત ભાષા માનવામાં આવતી હતી. પરંતુ 19મી સદીમાં તેનું પુનઃસજીવન થયું.
ગ્રીક: ગ્રીક ભાષાનો ઈતિહાસ 3000 વર્ષથી વધુ જૂનો છે. તે યુરોપની સૌથી જૂની ભાષાઓમાંની એક છે. પ્લેટો, સોક્રેટીસ અને એરિસ્ટોટલ જેવા મહાન ફિલસૂફોએ આ ભાષામાં લખ્યું છે.
અરબી: અરબી ભાષા લગભગ 1500 વર્ષ જૂની છે અને તે ઇસ્લામના ધાર્મિક ગ્રંથોની ભાષા છે. આજે તે 26 દેશોમાં બોલાય છે અને વિશ્વની સૌથી મહત્વપૂર્ણ ભાષાઓમાંની એક છે.
ફારસી: ફારસી ભાષાનો ઈતિહાસ 2500 વર્ષ જૂનો છે. તે મુખ્યત્વે ઈરાન, અફઘાનિસ્તાન અને તાજિકિસ્તાનમાં બોલાય છે. રૂમી અને ફિરદૌસી જેવા કવિઓએ આ ભાષાને અમર બનાવી દીધી.
